Reto 4 (Equilibrio e coordinación)

Retomamos os retos físicos e neste caso imos facer un reto con globos, pero non vos preocupedes, que se non tedes globos, que a continuación, propoñemos unha alternativa diferente.

A)Desafío globos:

B)Desafío coordinación y equilibrio:

O segundo é algo máis complexo, pero estou seguro de que o ides superar sen problemas! 

Ánimo que o retorno á normalidade está cada vez máis próximo, non nos imos a render agora.

Circuitos motrices (Psicomotricidade)

Nestes videos que vos deixamos a continuación, poderedes tomar novas ideas para xogar cos vosos nenos/as e con diferentes materiais xa que somos conscientes de que non temos de todo na casa , por iso na variedade está o gusto como se dí.

Tomade ideas e tratade de poñelas en práctica, segura que podedes:

Estaredes pensando...pasar por riba da mesa? Sí, tendes razón hai cousas que mellor non facelas salvo que teñades material moi vello claro.

Só ideas, non destrozos, vale rapaces? Adaptade sempre o material para non causar estragos. 

Xogamos con material de refugallo

Hoxe imos ver unha serie de xogos con material de reciclaxe que podedes facer na casa durante estes días:

A) "As pontes de cartón"

Este xogo ten como fin pasar un obxecto (chapa ou tapón) por un tubo de papel ou cartón (papel hixiénico, rollo de servilletas).

O tubo pegase no chan con cinta ou celo e xa temos unha ponte. Pódese xogar co número de xogadores que queiramos.

A idea é que despertedes a vosa imaxinación creando diferentes circuitos con diferentes materiais e tratar de superar tódolos obstáculos.

B) "Imos ó turrón"

Este xogo consiste en colocar por casa calcetíns, trozos de cartón ou o que queirades, de xeito que haxa que lanzar chapas, tapones ou calquer outra cousa.

O obxectivo é que o obxecto se quede enriba do calcetín ou trozo de cartón.
Podemos usar diferentes sistemas de puntuación como o que o consiga primeiro ou o que máis consiga en 10 lanzamentos etc.

C) "Aterriza como podas"

Por parellas, cada un co seu propio avión de papel.

O xogo consiste por turnos, en lanzar o avión de papel tratando de que aterrice nalgunha parte do compañeiro, por exemplo as mans, sen tocar o chan. Un ha variante e que  a persoa que non lance poda moverse para tratar de collelo antes de que caia.

No caso de que caia ó chan, cambiamos de lanzador.

Deixámosvos un tutorial para facer avións chulos por si vos interesa:

Probade algún ou todos eles e xa veredes que divertido!

Un saúdo, esperamos que vos gusten.

Recursos de utilidade

Deixámosvos na parte dereita do blogue un acceso directo a esta nova iniciativa da Consellería para que poidades acceder sempre que queirades dun xeito máis sinxelo.

O símbolo que deberedes pinchar para entrar é o seguinte:

Tamén engadimos un recurso educativo adaptado a diferentes idades, chamado Ludos, con contidos relacionados coa Educación Física e que tamén atoparedes na barra dereita co seguinte logo:

Un saúdo!

Máis para os peques

Neste caso os xogos céntranse principalmente na memoria, como exemplo un divertido xogo que imita o xa popular "Simón" de repetir unha estructura de cores e que resulta moi motivador para xogar en parellas nas súas diferentes variantes como poderedes observar no video que segue:

Tamén outro xeito divertido de empregar as cadeiras que tendes en casa e que garda relación co anterior centrado na memoria, estade moi atentos e non perdade-lo voso sitio.

Por último, unha serie de xogos, dos que algún podedes tomar de exemplo para facer na casa :

Coreografías

Completando o diferente tipo de exercicios e actividades que vos propoñemos para estes días, a continuación ímosvos deixar unhas coreografías que vos poden servir de exemplo(non son as únicas) e das que existen gran variedade na rede.

Posúen unha gran variedade de movementos e ademáis son moi divertidas! Probade e seguro que vos encantan.

Recordade manter sempre o corpo en movemento. Que non se oxide!

Psicomotricidade 1

Para os máis pequenos e para que non pensedes que nos olvidamos, ímosvos deixar unha serie de videos con exercicios moi sinxelos para que tamén poidades facer con eles e que vos sirvan de referencia para coller ideas interesantes e divertidas.

Neles poderedes observar unha serie de actividades para fomentar habilidades básicas.

(desplazamentos, saltos, xiros, lanzamentos, coordinación ou equilibrio)

Iremos colgando videos nos que aparezan todas elas para ofrecer unha variedade sufiente de alternativas para os máis peques.

A practicar e disfrutar!

Primeiros auxilios

Unha das tarefas que os mestres e pais debemos amosar ós nosos nenos/as e que tamén é necesario que nós coñezamos, é como actuar en casos de emerxencia, e a ter unhas nocións básicas de primeiros auxilios que poden axudar a salva-la vida de calqueira persoa.

Nestas idades son propensos a sufrir golpes, cortes, asfixias ou heridas que en ocasións requiren destes coñecementos.

A continuación deixámosvos unha serie de videos e algún xogo que pode explicar e amosar aspectos básicos e útiles para o conxunto da sociedade e tamén por suposto para os nenos/as.

Videos sobre primeiros auxilios:

 

  

Xogos sobre primeiros auxilios:

https://www.cerebriti.com/juegos-de-primeros+auxilios/tag/mas-recientes/

https://www.cruzroja.es/cre/2006_7_FR/matcurfad/juegoppaa/index.html

https://yoprofesor.org/2014/02/03/66-actividades-de-la-salud-higiene-y-primeros-auxilios-para-estudiantes/

Grazas pola vosa colaboración e interese!

Nutrición

Sen descoidar que a nutrición é parte moi importante a ter en conta para levar a cabo unha vida saudable, a continuación queremos deixarvos o enlace dunha páxina, que ademáis de interesante pode resultarvos moi divertida, xa que ademáis de información contén xogos interactivos relacionados coa temática en cuestión.

O enlace é o que segue:

http://www.educacionfisicaenprimaria.es/alimentacioacuten.html.

Como exemplo da mesma os seguintes videos:

E tamén xogos como:

Non descoidedes a vosa alimentación nestes días de confinamento e tratade de manter unha dieta equilibrada.

 Ánimo rapaces!

De oca a oca...

Continuando coas actividades que propoñemos para este tempo de cuarentena, pensamos que pode ser unha idea divertida para xogar coas vosas familias unha oca un pouco diferente a que estades acostumados; "A oca da actividade física".

 Será de vital importancia como o seu nome indica...
Moverse, a vosa destreza e tamén cooperación coa xente que tendes na vosa casa.

Deixámosvos un enlace para un dado virtual por si non tendes na casa.

http://www.estadisticaparatodos.es/taller/aleatorios/1dadobis.htm

No caso de que vexades que algunha das actividades que impliquen contacto non son convintes para o momento (por exemplo: chocar as mans), facedeo simplemente simulando no aire o movemento.

E recordade, lavade moi ben as mans antes e despois de xogar ou facer calquer tipo de actividade física ou xogo..  

Esperamos que o pasedes moi ben. Moito ánimo!

Reto 3: Motricidade e lanzamento de precisión

Nesta ocasión propoñémosvos dous novos retos nos que as pelotas cobran especial importancia, pero no caso de que non teñades, tamén suxerimos outro tipo de actividade que co permiso e colaboración das vosas familias poderedes executar.

En primeiro lugar, visualizade o seguinte video:

Unha vez visto, tendes que tratar de facer o mesmo que fai a rapaza, tratando de meter unha pelotiña en cada vaso en menos dun minuto.

Variantes: no caso de non ter pelotas que boten podedes lanzar con outras e tratar de encestar directamente. Ademáis, non é necesario que o fagades nesa posición de plancha, senón que podedes facelo tamén de rodillas ou sentados no chan.

Posteriormente, podedes intentar facer éste, para o que necesitaredes elaborar un "vaso-cesto" co seguinte material:

Unha vez elaboraches o "vaso-cesto", como o seu nome indica, deberás tratar de meter a bola no mesmo o maior número de veces que che sexa posible. Conseguirás chegar a facer 5 sen ter ningún erro?

Por último, e se non tes posibilidade de practicar ningún dos anteriores, propoñemos un xogo chamado a alfombra máxica, no que deberas facer un percorrido marcado, que dependerá da vosa imaxinación.

Como xa fixemos anteriormente, tratade de facer o percorrido nun tempo máximo dun minuto e ide variando os obstáculos a esquivar.

Variantes: podedes apoiar as mans no chan a modo de remo para facer o percorrido, seguro que vos serán de moita axuda.

Ánimo! xa queda menos para estar de novo disfrutando de xogos na natureza e ó aire libre.